🧡Zona 牛熊證操作解説🐮🐻®️

從不浪費時間玩遊戲，長橋就是我的手遊🕹
贏錢皆因輸錢起，首先妳要輸得起

最近長橋上線左輪證行情同交易功能，行情都幾豐富，包含各類指標數據，街貨量、街貨比、槓桿比率都有。佣金方面又平，最低只要 0.03%，仲有免佣活動😗✨。

@全能选手小小雨
_______________🐮🐻_______________

13-02-2022
有關衍生產品能否「🪄🪨🏯💵」

首先我想講下點解自己會操作牛熊證交易？
其實有關注開我既股友應該知，我一直都只投資正股，唔會亦唔主張大家涉足衍生產品交易，簡單講因為高風險，操作衍生產品本身要對一般正股技術操作好熟練，之後再研究埋更短線操作既牛熊證，而且要盯盤，即使有「長牛」同「長熊」。

操作🐮🐻證原因：
1）假如資金有限，可以以少搏大
2）槓桿效果，能快速獲利
3）大升市大跌市有利正股順勢發展，波幅市卻相反
4）波幅市當中正股一般升 5-8% 不等，但有時距離自己賣出既目標價仲有距離，因而無食糊，諗住等多陣會到價，結果好壞消息一出，瞬間消化早前升跌幅，重歸於零。相反，假如股友有能力捕捉到升跌勢，即使正股只有 5-8% 波動，因為槓桿效果，利潤隨時以短時間就做到豐厚盈利。比如$TENCENT(00700.HK) 正股係一早就拉昇到 5%，而自己持有既牛證槓桿有 20 倍，咁牛證利潤就係 100% 了。咁當然，虧損都係一樣，所以點解話當中拿捏既技術要好到位。
5）比正股更能印證自己看準股票升跌勢既眼光，並放大盈利
6）時間值係敵人，以有限虧蝕換無限利潤

下一步係講講操作牛熊證前要注意既基本資料：

牛證睇升；熊證睇跌

參閲圖一

買賣🐮🐻前要留意：

行使價：決定牛熊證價跌既重要因素，當行使價距離現價愈遠，牛熊證價格就愈高，槓桿就會減少。

收回價：係有效期內如股票現價觸及收回價，發行商會即時收回牛熊證，進行結算，之後股票股價再升再跌，亦唔會恢復有關交易。

槓桿率：盈利/ 虧蝕倍數比率
到期日
街貨量
成交量

同時，留意換股比率，唔好單純追求低面值

揀選牛熊證準則：
1）離收回價遠 d
2）限期遠 d
3) 買賣差價少 (一般差價係介乎 2-12 格)
4）跳價要快

想知道妳揀既牛熊證係股價升跌點影響牛熊證價格，即係「跌價」，可以去番發行商網站，搜尋番牛熊證號碼，入面有計算機。妳輸入番目標升/ 跌幅，就可以睇到牛熊證價格既變化。

___________________________________

另外，同大家分享我睇股票走勢主要係用日線，周線/ 月線為輔助，而日線我係睇 5/ 10/ 20/ 30/ 50/ 60/ 100/ 200/ 250 天線，好似附圖二咁。

咁操作牛熊證，除左睇日線去分析正股走勢，支持同阻力位之外，特別係做 T (即即日交易)，例如圖三以$COSCO SHIP HOLD(01919.HK) 牛證買賣為例，就要睇分鐘線同買賣密集區分佈，資金流入/ 流出情況等來做判斷。而大家一般係個股買賣比例圓形圖當中既買賣，係記錄大户同散户掛盤買賣既分怖，但其實大户有時候係有隱性交易而不會被記錄。比如大户公開掛單出貨，造成股價下跌，但同時進行隱性買入，吸納散户拋出既貨，即所謂震倉。

行情來源：長橋 app

咁點樣睇隱性買賣盤呢？
假如出現大量買盤，而股價並無升反而下跌，就係大户出貨時候；又或者出現大量賣盤，但股價企穩，甚至不跌反升，咁就有可能股價會係好快會大漲。不過依的都係比較初步既分析，暫時講住咁多先。

至於買賣盤分佈圓形圖，一般買盤比賣盤多出 1/4 開始或 1/3，並持續上升，先視之為買盤足夠同當日利好。

好似講多左操作正股技術添，講番牛熊證可以睇番買賣密集分佈圖來決定買賣時機。

街貨量，即出售量
假如發行 100 份牛證，當中市場認購左 50 份，並持有多過一日，並未賣出，即「過夜」，街貨量就係有 50%。假如全數獲認購同過夜，咁街貨量就有 100%。當街貨聚集，就叫重貨區。咁重貨區係咪一定對股價好大影響呢？咁一般坊間都會話大户會為左令相關產品達至收回價，就會殺牛殺熊，從而出手影響股價。但其實依個講法無話巖唔巖，大户又會唔會咁大量資金去殺牛熊證呢？更重要既係，反而係觀察市場上對於支持同阻力位既睇法。假如$Hang Seng Index(00HSI.HK) 係 24000-24200 點熊證街貨量重，而大盤夠力升穿 24200 並且企穩，對市場上就係利好訊號。附圖四係 1919 既街貨分佈圖。

另外街貨量愈少，牛熊證價格多數係由發行商定價，會比較穩定；相反，如果街貨多，價格比較波動，會隨住買賣浮動，但正股股價下跌到接近回收價，牛熊價格亦相對偏低，可以執到平貨，而且槓桿率會提高。

$TENCENT(00700.HK)

$BABA-W(09988.HK)

$XIAOMI-W(01810.HK)

$COSCO SHIP HOLD(01919.HK)

$CNOOC(00883.HK)

今日暫時講住咁多先，再次多謝大家既支持同鼓勵。