以前聽人講話股票唔係經濟學,佢哋話係藝術,一直都唔明點解,直至嚟幾年見到美股、港股及大 A 嘅走勢之後,我依家終於明白喇。我會用「穿州過省」嚟形容美股,A 股就「望穿秋水」,港股就好似我咁「不思進取」。
好多時候,我哋成日覺得揸住正股洗乜驚,但係事實證明唔係,我見到好多大隻佬股票由高位計跌咗六七成,真係多的是,所以睇返其實止賺止蝕好重要。
至於港股依家嚟講,只可以用阿 Q 精神嚟面對,所謂「既來之則安之」,可能再過一段時間會「船到橋頭自然直」呢?話雖恒生指數冇運行,不過都有好多個股跑贏大市,例如:中移動、中海油及一眾內銀股等等,佢哋派息又高,真係退可守進可攻,不失係唔錯嘅選擇囉。
$恆生指數 (00HSI.HK)$中國移動 (00941.HK)$中國海洋石油 (00883.HK)$中國銀行 (03988.HK)$工商銀行 (01398.HK)$建設銀行 (00939.HK)$農業銀行 (01288.HK)