我個人覺得$恆生指數.HK上升一定有原因,尤其是響依家港股咁低微嘅市況下。其實尋晚夜期喺近 11 點左右,突然一支箭咁飆上去,我都覺得奇怪,有人講可能同減存款準備金有關,我一睇時間唔吻合。
跟住再查下,應該同市傳,美國國務卿布林肯可能喺未來幾周內訪問中國有關,而且可能同國家主席見面喎,雖然兩邊都冇回覆查詢或者公佈,不過夜晚就行先一步囉,如果嚟個消息屬實嘅話,隨時港股有機會突破 20000 點大關,其實合久必分,分久必合,如果佢哋肯坐低傾咪好囉,咁先可以雙贏嘛。今日分享到此為止,希望大家鐘意喇,祝各位投資順利。
鍾意我分享嘅朋友,畀個讚我喇,以示對我嘅支持,你嘅支持會係我最大嘅動力,如果有咩可以互相交流一下嘅,請大家留言,多謝各位支持。
本文嘅數據及觀點僅供交流學習,唔構成投資邀約及建議。投資有風險,入市需謹慎!